Erëra të forta në Ohër, pëmbyten plazhet e liqenit

22:32 | 17 Mars 2018
Trina Galanxhi

 Në Ohër vazhdon të mbizotërojë mot i keq, me shi dhe me erëra që e tejkalojnë shpejtësinë prej 100 km në orë. Shumë objekte në breg të liqenit janë nën ujë.

Banorët ndihen të rrezikuar edhe për faktin se gjendja gjatë natës mund të përkeqësohet. Kryetari i Komunës së Ohrit, Jovan Stojanovski bëri të ditur se në mëngjes do të fillojë pastrimi i qytetit.

“Ne dolëm në teren dhe normalisht edhe ekipet tona do të jenë gjatë gjithë natës në teren, kurse nga mëngjesi në orën 5 fillojmë me pastrimin intensiv të qytetit. Për fat të keq Ohrin e kapi moti i keq i cili një kohë të gjatë nuk mbahet mend në qytetin tonë , megjithatë presim që situata të normalizohet gjatë natës”, tha Stojanovski./21Media/

Shpërndaje në rrjete sociale

Lajmet më të lexuara

Të ngjashme

Foto lajm